Sujet 2016

Sujet 2000 Sujet 2001 Sujet 2002 Sujet 2003
Sujet 2004 Sujet 2005 Sujet 2006 Sujet 2007
Sujet 2008 Sujet 2009 Sujet 2010 Sujet 2011
Sujet 2012 Sujet 2013 Sujet 2014 Sujet 2015
Sujet 2016 Sujet 2017 Sujet 2018 Sujet 2019
Sujet 2020 Sujet 2021 Sujet 2022 Sujet 2023
Sujet 2024

Bavaria Basiliensis
Ein Bayer in Basel

Zum de Usländer z’Basel z‘imponiere
Dien mir alli Brüch und Feschter importiere
E jede Ami findet’z schampar scheen
Wenn Basler au ans Haloween geen
Und wenn‘s di au duet hindere strääle
Derf dr Christopher street Day au nit fääle
S git der Tag des Migranten und der geschlagenen Frau
S Joor vor Äsche und vom Glögglifrosch fire mer au
Drum stuune mir au gar kai bitz
Dass me d Schwoobe kopiert das isch kai Witz
Bi Volggsfeschter nit nume hinde im Egge im Dunggle
Sesch Bebbibuebe wie si inbrünschtig schunggle
Syt neuschdem kunnt uss em Norde zu uns wie e Pescht
Das schapmar luschtige Münchner Oktoberfescht
E jede Baizer duet s Vorgärtli blau-wyss dekoriere
Und anschtatt Klepfer nu no Wyyswürscht serviere
Zum dene Lyychefinger e bitz Aroma z gää
Muesch pro Wurscht e Pfund vo dem süesse Sämf derzue nää
S git kai Schwöbli, kai Schlumbi, au kai gweenligs Brot kasch ässe
Zu dene Wyssswürsch und Sämf muesch Radi und Brezen ässe
Anstatt Warteck, Ueli oder Unser das sind Bier von hier
Griegsch notirligg orginal Münchner Bier
D Servierdüse im Dirndel macht uf jung und frisch
Macht si s Muul uff meksch dass es e Jugo isch
Und goot den der Spuk ändlig z Änd
Ribt sich mäng Baizer ab em Gwinn sini Händ
Und dängt scho as nägschte nai Fescht wo kenti koo
Sigs Frielig-Summer Herbscht oder Wiehnachts Tattoo
Jetz han ich gnueg vo dere Gschicht
Der Värs isch fertig und ich mach dicht.

d Häxe