Sujet 2019

Sujet 2000 Sujet 2001 Sujet 2002 Sujet 2003
Sujet 2004 Sujet 2005 Sujet 2006 Sujet 2007
Sujet 2008 Sujet 2009 Sujet 2010 Sujet 2011
Sujet 2012 Sujet 2013 Sujet 2014 Sujet 2015
Sujet 2016 Sujet 2017 Sujet 2018 Sujet 2019
Sujet 2020 Sujet 2021 Sujet 2022 Sujet 2023
Sujet 2024

PAPIER STATT PLASTIK

Mir Fisch hänns immer schwerer

Wie e Fisch im Wasser, dä Spruch isch verbyy
S isch hart, wenn immer im Wasser muesch syy
Aimol kunns Gift vo irgendwo, mir sind verschrogge
Und s ander mol isch dr Bach leer und trogge

Denne wäärde mer uusegfischt und grettet
Und irgendwo in e Pfütze yyne bettet
Isch dr Bach suuber und s Wasser isch doo
denne miend mir zrugg ins Bächli goo

S isch fascht scho wie mit de Flüchtling uff em Meer
Si wärde grettet, fir d Organisatione e grossi Ehr
denne liiferet me si immene Haafe ab und fahrt dervoo
Am liebschte hätti Europa, wenn si wiider haim würde goo

Und schwimm ich denne dr Ryy duruff
Ab dene Stauwehr und Schiff haa ich kai me Schnuuf
Und z Basel denn ach heriee
Duets immer no so Fischergalge gee

Joo Basel isch soowisoo e glungeni Stadt
Wäge Novartis und Roche isch me zfriide und satt
In dr Schwyyzerpolitigg do bringe si gar nyt zwääg
Und denne freue si sich an de drey scheenschte Dääg

Dr Grossbappe isch vor Joore emol bis uff Basel koo
Vo dere Rais haan ich ainigs z heere bikoo
Es gäbi Mässe und Veraanstaltige am laufende Band
Uhre oder Baue es sigi e Spiegel vom Schwitzerland

Und jetze bin i doo und was muess ich gsee
D Uhremäss isch jetze z Gänf, do duet s kaini me gee
D Muschtermäss isch furt, s isch nit zum Lache
Und uss em Musicalteater will me e Schwimmbad mache

Drum schwimm ich wiider dr Ryy derab
Verpass e paar Schiffschruube, mach fascht schlab
Die Abwässer nämme mir je länger je meh dr Schnuuf
Aaber ändlig nimmt mi s Meer wiider uff

Aber was ich do no saage kaa
Do fangt dr Stress erscht richtig aa
Das Reinheitsgebot firs Meer hett nit vyyl gnutzt
Do sehsch e Tankschiff wo der Tank uusebutzt

Uff em offene Meer do binn ich jetz
Do hets so Riiseschiff mit Riisenetz
Und au am Meeresgrund wo ich sett sicher syy
Au deert kemme allewyyl die Netz no hii

Jetz haa ich Hunger wie veruggt
Und haa e grosses Menu vedruggt
Aaber mi Hungergfyyl das blybt bi gott
Was ich haa gfrässe isch numme Blastiggschrott

Jetz tauch ich uff vom Meeresgrund
Und seh, dass wiider son e Tanker kunnt
S Meer isch nimmi mi Miliö
Ich mach dr Ruggeschwumm und sag ADIÖ

d Häxe