Sujet 2024

Sujet 2000 Sujet 2001 Sujet 2002 Sujet 2003
Sujet 2004 Sujet 2005 Sujet 2006 Sujet 2007
Sujet 2008 Sujet 2009 Sujet 2010 Sujet 2011
Sujet 2012 Sujet 2013 Sujet 2014 Sujet 2015
Sujet 2016 Sujet 2017 Sujet 2018 Sujet 2019
Sujet 2020 Sujet 2021 Sujet 2022 Sujet 2023
Sujet 2024

MIR HAUES AB INS WÄLTALL

Z Basel am mym Ryy
Mechte mir nit lenger syy

Lääde stäärbe und Basel stirbt mit
Dergege macht d Regierig nytt

S Klima muess me schütze, e fromme Draum
Derby verschwindet yberall Baum fyr Baum

Und nit nume z Basel, nai, uff dr ganze Wält
Goht d Natur kaputt nume wägem Gäld

Wenns anderscht nit goht, das muesch begriffe
Dien die Unzfridene und die Mächtige zu de Waffe griffe

Uss dene Ruine flüchtet, wär no flüchte kaa
Und denne kemme si in Europa aa

Do will si e kaine, wenn me ehrlich will sii
Si hän halt e ganz anderi Läbensphilosophie

Und sogar im behäbige Schwiizerland
Lauft hinder de Kulisse so allerhand

CS isch uff s mol verschwunde
Mit ihre e Huffe Gäld vo treue Kunde

Dr Genderstärn und s korrekte formuliere
Duet halt die maischte nit so interessiere

Uss dene Gryynd, das kasch verstoo
Do mechte mir die Wält verloo

Im Wältall isch Platz und Rue
Vo oobe luege mir däm Zirkus zue

Und jetzet isches so
Wie kenne mir dert uffe koo

Häxe könne, mir dien nit liege
Notirligg mit unserem Bääse fliege

Aber laider, das isch es doch
Unseri Fluggräät fliege zwenig hoch

Fyr ins Wältall z fliege dien mir em Elon Musk hofiere
Dä soll uns doch ins Wältall kutschiere

Si Wunderraggete mit ere wahnsinnige Kraft
Hetts laider nonig bis in Wältall gschafft

Und stiige mir bi ihm in sini Kapsle ii
Kenntis sii, denne isch s mit de Häxe verbii

Drum bliibe mir uff der Ärde unde
Und fliege uff de Bääse die sichere Runde

d Häxe